حضنك واحشنى يامصر
الصحفى محمودعيد

روحى استحمى يامصر يمكن تطهرى
يام الشباب والثورة علشان تظهرى
وتبصى ليه بانور عنيه وف حياتى تغيرى
أحسن غيابك طال عليا
نفسى مره تكونى ليه أحضنك وأحلم شويه
وأصحى والاقى الحقيقة
انى جنبك لو دقيقه
وأطرد الخوف اللى فيه
هو حلمى ياحبيبتى بعد عمرى كتير عليا
كنت باسمع انك امى....وان حضنك ده كبييييييييير
كنت شايفك واخده ناس غيرى ف حضنك
كنت باسمع ان عندك خير كتيييييييييييييير
كنت أنام بدموعى واحلم انى ضامك
كنت شايفك جوه حلمى شئ كبييييييييييير
ياما نفسى يوم أحقق مره حلمى
تحضنينى ...وأحضنك وأحكى لك كتييييييييييير
أحكى انى مره جيت علشان ابوسك
زى كل ابن ف حضن أمه
جت وشايه عنى انى عايز أدوسك
قالوا لك انى ابن عاق
وقالوا عنى يوم ياأمى كلام كتييييييييييييييير
لجل مايحلوا فلوسك
ويكرهوكى ف اللى حبك
ويقلعوكى اللى سترك
ويعملوا معاكى عمايل
أصل دول من فرع مايل
صدقينى ياحبيبتى بخاف عليكى...
حتى شوفى.....كنت جايب لك عبايه
قارى عليها ذكر ربك
البسيها تسترك وتدارى عيبك
روحى ياما...البسيها عشان عيونى وغيرى
بس...استحمى ياما يمكن تطهرى...
والبسى لك شئ نضيف.......!!!!
انسى مبارك...وانسى جمال..والشريف
انسى سرور...وانسى عهد أحمد نظيف
روحى ياما استحمى وغيرى
يام الشباب والثورة لازم تظهرى