ثورة شباب
الصحفى محمود عيد
Mahmoudeid_eid@yahoo.com
الثورة دى بدات هنا ..
.ابنى وابنك والعباد
يابرادعى لانتا مننا ...
والدم مش حانن لنا
ولاعشت يوم على أرضنا
ليه ف ثانيه بتبيع البلاد
أنا أمى خافت مننا
وسابت لى دارنا وارضنا
وأخويا وابن اختى وداد
ده خير بلدنا يلمنا
من نيلها نشرب كلنا
ويكفى حتى سنين بعاد
الارض دى طرحت لنا
ما احنا رويناها بدمنا
وعرقنا ف سنين البعاد
قلنا نجمع بعضنا
ونئيد شموعنا ف دربنا
ليه ندخل الناس البعاد
لخوان دى لأ مش مننا
ولعمرهم كانو جنبنا
دول سرقوا أحلام الشباب
وينادوا نولع كلنا
ونبرأ الدين مننا
سجل ياتاريخنا ف كتاب
ياخوانا راعوا ربنا
ف بلدنا واحموا عرضنا
دا شعاركوا كان سنه وكتاب
الدين برئ كده مننا
يا مسيحى او مسلم هنا
متشمتوش فينا الكلاب
انجيلنا قال سامح عدوك
قرأنا حامى حتى عرضك
ليه نرضى لبلدنا الخراب